Les mots surlignés font l'objet d'une note
1Reçue à Montélimar, le 05 août 1573.
2Monsieur de Gordes, le roy, monsieur mon filz, vous respond si
3amplement, tant à ce que luy a rapporté le sieur de
4Virieu, que ce qui est porté par celle que luy avez escript
5et ce quil a veu par la coppye de la requeste qui vous a
6esté presentée par ceulx de la noblesse et autres de la nouvelle
7oppinion de Daulphiné que je ne vous en puis rien dire
8davantage. Je vous priray seullement de vouloir suivre
9le contenu en icelle et tellement exhorter lesdits de ladite
10nouvelle oppinion quilz reçoipvent les conditions portées
11par ledict de paciffication dont vous a esté envoyé
12coppye, ce que je m’asseure quilz feront, et que je
13desire, affin de veoir toutes choses bien remises
14par delà comme elles sont ailleurs. Vous userez en cela
15de votre prudence et sagesse accoustumée et me ferez
16response au plustost de tout et avant qu’on vous
17renvoye ledit sieur de Virieu, pryant Dieu, monsieur
18de Gordes, quil vous tienne en sa sainte et digne
19garde. Escript à Paris, le XXIXe jour de juillet
201573
21Caterine
22de neufville secretaire